Ljóðbókatænastan hjá Landsbókasavninum
Fyri 3 ár og eldri
Gentur eiga ikki at dálka seg, men tað leggur henda gentan einki í, tí tað er so stuttligt at sigla í tunnuflaka, eisini um kjólin er spildurnýggjur.
Rithøvundur: Guðrun Gaard
Upplesari: Kristina Hansen
Tíð: 11 min. og 30 sek.
Útgávuár: 2006
Fyri 8 ár og eldri:
Torkil hevur lagt døtrum sínum eina við, at tað er vandamikið at fara einsamallar frá húsum. Kortini fer Katrin einsamøll á rossabaki í kirkju.
Rithøvundur: Sólrún Michelsen
Upplesari: Sólrún Michelsen
Tíð: umleið 30 minuttir
Útgávuár: 2014
Úrvalt leikbrot úr sjónleikinum “Søgur úr Krabburð” eftir Jens Paula Heinesen um ein hendingarríkan valfund í Krabburð við sjálvstýrismanninum Bartali á Heimabeiti, javnaðarmanninum Kaj Erik hjá Marini, fólkafloksmanninum Abraham, sambandsmanninum Tarnoviusi og tjóðveldismanninum Jensi Fjallatind.
Tað eru teir báðir Hans Tórgarð og Bárður Persson sum framføra hetta serstakliga skemtiliga leikbrotið.
Yrkingin “Innast inni standa vit altíð og bíða við eina lending” er yrking eftir Jóanes S. Nielsen úr yrkingasavninum “Gudahøvd”, sum var í uppskoti til Bókmentavirðisløn Norðurlandaráðsins í 2018.
Jóanes Nielsen lesur sjálvur yrkingina.
Hendan síðan er ein fyribils royndarsíða, sett upp ísv. Bókadagarnar 2018 og einans virkin, meðan Bókadagarnir eru.
Her ber til at lurta eftir nøkrum fáum ljóðbrotum (stuttsøgum og barnabókum o.ø.) fyri at geva eina hóming av, hvussu tað er at lurta eftir føroyskum ljóðbókum á netinum!
Ætlanin er at stovna ein rættiligan netmiðlapall fyri føroyskar ljóðbøkur, um so er, at játtan fæst til endamálið.