Ljóðbókatænastan hjá Landsbókasavninum
Søga fyri børn
“Skalt tú eitast at vera brandmaður?” sigur Regin við Eirik. “Tú ert tann løgnasti lortungin í øllum heiminum.”
Men Eirikur vil ikki vera løgin. Hann vil vera djarvur! Tí stjelur hann svávulpinnar og setir eld á grasið. Tí hann ætlar at sløkkja tað við vatnslanguni. men so gongur alt púra galið!
Rithøvundur: Ingelin Røssland
Lesari: Jákup Dahl
Tíðin: 25 minuttir
Útgávuár: 2017
Fyri 4 ár og eldri
Søga fyri børn. Mamman er alt ov tjúkk og bara etur og etur. Hon kann lukta ein pylsuvogn hundrað metrar burtur, men hon vil ikki eta gularøtur og verða kløn.
Rithøvundur: Kim Fupz Aakeson
Upplesari: Ria Tórgarð
Fløgur: 1
Tíð: 16 min.
Útgávuár: 2006
Stuttsøgusavn við 10 søgum
Høvundurin Jens Pauli Heinesen hevur skrivað hóp av stuttsøgum. M.a. stuttsøgusavnið Rósa Maria, har tær fyrstu fimm søgurnar snúgva seg um gentuna Rósu Mariu og fólk kring hana.
Søgurnar eru sera fjølbroyttar. Tær fevna frá tí skemtiliga, tí satiriska, tí siðsøguliga, tí syrgiliga, tí sálarfrøðiliga og einum hópi av erotiskum søgum, ikki minst í hesum savninum, sum lýsir kærleikslívið, tað ediliga kenslulívið millum kynini uppá gott og ilt.
Rithøvundur: Jens Pauli Heinesen
Lesari: Elin Brimheim Heinesen
Tíðin tilsamans: 8 tímar 30 minuttir
Útgávuár: 2018
Fyri 5 ár og eldri
Pavel og Katarina vildu so fegin fingið eitt barn. Eina náttina um jóltíðir evnar Pavel eitt barn úr kava og í fyrsta morgunlýsinum verður kavagentan livandi.
Rithøvundur: Carolyn Croll
Upplesari: Kristina Hansen
Tíð: 10 min.
Útgávuár: 2006
Søga fyri børn
Ein genta eigur ein hamstur, sum einaferð var ungur og sterkur. Hann eitur Harra Muffin. Nú er Harra Muffin gamal, móður og sjúkur og liggur fyri deyðanum.
Rithøvundur: Ulf Nilsson
Upplesari: Høgni Johansen
Tíð: 17 min.
Útgávuár: 2007
Søga fyri børn
Jákup uppdagar eitt sjórænaraskip, tá hann fer ein túr oman á strondina. Sjórænararnir ræna hann, tí hann dugir so væl at brúka ein spaka, og tað er umráðandi, tá skattakistan skal gravast niður.
Rithøvundar: Melinda Long og David Shannon
Lesari: Høgni Johansen
Tíðin: Uml. 10 min.
Útgávuár: 2006
Stuttsøgusavn við 10 stuttsøgum
Innihald: Tann angandi býurin ; Maðurin við lyklunum ; Riddarin Grøni ; Saxifraga nivalis ; Lupo ; Gullgentan ; Exit Farao ; Tann vreiða skriftin ; Kuldi kongur ; Heimsins hægsta træ.
Rithøvundur: Hanus Kamban
Upplesari: Gunnvá Zachariassen
Tíð: uml. 4 tímar
Útgávuár: 2004
Yrkingasavn við 38 yrkingum
Ljóðbókin “Gudahøvd” eftir Jóanes S. Nielsen er givin út í sambandi við, at bókin var í uppskoti til Bókmentavirðisløn Norðurlandaráðsins í 2018.
Bókin innihledur 38 yrkingar eftir Jóanes Nielsen og hevur 84 blaðsíður.
Jóanes Nielsen lesur sjálvur yrkingarnar.
Rannvá Holm Mortensen gjørdi kápumyndina.
Mentunargrunnur Studentafelagsins gav bókina út í 2017.
Ljóðbókatænastan gjørdi hana til ljóðbók í 2018.
Rithøvundur: Jóanes S. Nielsen
Lesari: Jóanes S. Nielsen
Tíðin fyri alla bókina: 1 tími 10 min.
Útgávuár: 2018
Fyri 3 ár og eldri
Um smágentuna Guðruna, sum er forvitin og droymandi. Á veg heim, fara Oscar og Guðrun inn í Reyðukiosk at keypa. Meðan Oscar prátar við eina konu, stendur knappliga ein lítil maður frammanfyri Guðruni. Maðurin er púra øvutur. Við honum fer Guðrun í øvutu verð.
Rithøvundur: Guðrun Gaard
Upplesari: Kristina Hansen
Tíð: 19 min.
Útgávuár: 2006
Stuttsøgur fyri vaksin
Fimtan skemtiligar og samanhangandi søgur um tann stillføra bankamannin Albert og innara stríð hansara við at koma til sættis við sína alt annað enn samanhangandi ytru samtíð.
Í søgunum sleppa vit við Alberti til sálarfrøðing, á leiðsluskeið, niðan í fjøllini, til talvkapping, til bókaframløgu og mong onnur støð, og vit møta tolnu konu hansara, tí uppblásta sangaranum, tí barmføgru Tinu, tí reyðbeinta bókavørðinum og fleiri øðrum av skaparans undursomu skapningum.
Rithøvundur: Arnbjørn Ó. Dalsgarð
Lesari: Arnbjørn Ó. Dalsgarð
Tíð fyri allar søgurnar tilsamans: 2 tímar 45 min.
Útgávuár: 2018